Canada ram ah ramdang in sianginn kai duh mi caah Foreign Student Visa hi kum chiar te sok khawh asi ko. Amah belte atang 1-2-3 kan chiah ning te khin zulh i tuah ahau. DLI timi "Designated Learning Institutions" Sianginn na kai ding kha cozah (Federal/ Province or Territory) nih pom mi sianginn an si ahau.
Canada ram chung um mi , na kai duh nak Sianginn ah khan foreign student si dingin na vun sok hmasa lai, cun mah sianginn nih khan an pom nak (Acceptance Letter) an kuat lai i cu an in pomnak ca he cun Student Visa kha na sok lai. Visa na hmuh ahcun Canada na ra lai i zarh khat ah nazi 20 ( 20hr) hi rianțuannak nawl zong na ngei ve lai. Cu nak tam deuh caan in țuan ahcun dantat khawh asi. Cun Canada ram ah hin Quebec Province hi phundang deuh asi caah na sok nak sianginn kha Quebec um mi sianginn asi sual ahcun na tuah ding le theih ding, zulh ding pawl kha phun dang deuh asi lai timi na theih cia hau.
Ramdang in sianginn arak kai mi caah cun Tuition Fee hi alet in atam deuh ti zong theih cia ahau fawn. Cun university le college ca lawng asi lo, Kawlram lei ah high school, middle school kan timi khi hika Canada ahcun Secondary School an ti i mah zong ah hin kan fa le (kum 18 tang) foreign student in rak sok i kai khawh țhiam țhiam asi ve. DLI list ah khan zei bantuk sianginn nih dah a cohlan hna timi pawl zoh khawh dih an si.
2. DLI Lists
Comments
Post a Comment