Atulio kan vulei cu Coronavirus zawtnak nih tilian bang ram 200 tluk cu akan khuh cang tikah zei can dah innleng hmanh chuak ngam loin kan um lai ti zong theih asi cio ti lo. Ramkip innka an khar i sianginn le biakinn in mipi tonnak hmun pawl paoh khar dih lio asi. An tuaknak ah tukum hi cu zei hmanh țuah awk ațha rih lai lo i abik in mipi tonnak hmun pawl hi cu hi hnu atlawm bik thla 3-4 tiang khi cu ahim rih lai lo tiin an ruah. Cucaah tu zing kha OB pawl online meeting kan tuah i tukum "2020 CCFC Civui" cu tuah loin hmai kum tu ah tuah ding in thawn si ko seh tiah biachahnak kan ngei timi thawng ka vun in thanh hna. CCFC Civui tuahnak ding caah hlan mi Providence College zong nih khan July ahcun nan tuah lo ah ațha an kan ti pin ah, khi tiang khi anmah zong mipi tonnak le event an ngeih ding mi vialte an phih chung ve.
Cucaah hmai kum tu ah atanglei bantuk ni le caan ah hin kan tuah țhan khawh nak lai thlacam nak he timhtuahnak ngei ko hna usih.
July 2, 2021 - Arrival Date
July 3, 2021 - Conference
July 4, 2021 - Conference
July 5, 2021 - CCFC Youth
July 6, 2021 - CCFC Youth
July 7, 2021 - Departure Date
Caan karlak ah theih chap le aherh mi chap ding thawngpang aum ahcun CCFC website ah hin kan vun update lengmang te lai.
Bawipa nih kan umpi ko seh!
Victor Khen Sang
CCFC (OB)
March 29, 2020
Comments
Post a Comment