Atulio kan vulei cu Coronavirus zawtnak nih tilian bang ram 200 tluk cu akan khuh cang tikah zei can dah innleng hmanh chuak ngam loin kan um lai ti zong theih asi cio ti lo. Ramkip innka an khar i sianginn le biakinn in mipi tonnak hmun pawl paoh khar dih lio asi. An tuaknak ah tukum hi cu zei hmanh țuah awk ațha rih lai lo i abik in mipi tonnak hmun pawl hi cu hi hnu atlawm bik thla 3-4 tiang khi cu ahim rih lai lo tiin an ruah. Cucaah tu zing kha OB pawl online meeting kan tuah i tukum "2020 CCFC Civui" cu tuah loin hmai kum tu ah tuah ding in thawn si ko seh tiah biachahnak kan ngei timi thawng ka vun in thanh hna. CCFC Civui tuahnak ding caah hlan mi Providence College zong nih khan July ahcun nan tuah lo ah ațha an kan ti pin ah, khi tiang khi anmah zong mipi tonnak le event an ngeih ding mi vialte an phih chung ve. Cucaah hmai kum tu ah atanglei bantuk ni le caan ah hin kan tuah țhan khawh nak lai thlacam nak he timhtuahnak ngei ko hna usih. July 2, 2021  -

Nizan tih-ni ah kan cozah nih an thanh mi Covid-19 ruang ah cozah bomhnak sawk timi kha asawk ning thiam lomi le zeitin dah asi ti afiang lomi kan tampi caah direct in sawknak atang ah kan chiah piak hna. HIKA zong ah hin click uh law fiangtein an țial. Cun hi bomhnak hi April in thok asi lai ati. Cun nanmah le nan local cio ah Service Canada aum dih ko i zung an khar sual hmanh ah YMCA le Multiculture ah fiang deuh hal khawh cio an si fawn. Atang ah 1-2-3 in ka chiah mi hi hmet law direct sawknak ca pawl an lang lai. 1 nak hi zei bantuk asawk ding dirhmun dah na si timi nai zoh khawh. 2 nak hi Covid-19 kong ah kan cozah nih update an vun tuah mi le mipi nih theih ahau mi asi. 3 nak cu bomhnak soknak application form asi.  Cozah zung ah telephone in hal aduh mi nih atang Toll Free Number ah hin chonh asi lai. Toll Free Phone Number:   1833-381-2725 1. Check whether you qualify 2. Read Covid-19 Update 3. Start Application Ramleng Ummi Canadian Caah  Cun ramleng ah aum mi

Canada um Chin mipi hna :: COVID-19 ruangah nan lungre a thei pah cio ko lai. Zawtnak ruangah rian tampi khar asi. Damlonak cu um rih seh, kan khuasak tuntuk a hun hnursuan cuahmah cio cang. Pathian nih kan cozah hmangin chanchuahtu le khuakhangtu kan ngei ko da hawh. Lungrethei tuk in um lo in amah Pathian tu i bochan ko hna usih. Nizan March 18 ah kan PM Trudeau nih COVID-19 harsatnak chungin mipi chanchuahnak caah Cozah nih $82 billion hman dingin khua an khan cang ko. $27 billions in rianttuantu ( Workers) le rianngeitu ( Business) bawmhnak ah a hman lai. $55 billions hi cozah tax kan pekmi awlhnak le hnu deuh pek te dingin le, business le sipuaizi a tlak lonak caah hman a timh. “Canada mi a hohmanh nih inn men pek le eidin cawknak kongah lungretheih lo ding asi lai. Cu ruangah cozah nih COVID-19 nih a chuahpi mi harsatnak le ram sipuaizi a tlak lonak caah hma fakpi in kan lak hi asi. Cozah le mipi ttangin hi harsatnak chungin kan chuak ko lai," tiah Prime Minister Trude

Atulio kan vuleipi mithmuh lo ralhrang bang akan namtu Novel Coronavirus ( Covid -19) kong hi theih phu hrimhrim asi. Aphunphun purhdah nak aum cio nain ram uktu cozah hna sin in theihnak le hrilhfiahnak ahcun rili chung ummi ngasa kan eimi (Seafood) rawl chung in achuak mi asi ko rua ti hi zapi ifunnak i zumh cemmi cu asi. Hi kong achuahnak zumhning le purhdahnak 3 in an țialmi mi ka vun langhter tuah hna lai.  (1) Hi virus kong achuaknak ahram in rak lunghrinhnak arak ithoknak cu 1996 ah Canada ah arak rami Chinese Virologist Scientist Dr. Xiangguo Qiu le a pasal Keding Cheng hi Winnipeg Virologist Laboratory ah rianțuan mi an si. Dr. Qiu cu 2014 lio i Africa ram ahnin dihtu Ebola zawtnak hrik kha ahmu hmasatu le adamhnak sii aser hmasatu ah atelmi minthang taktak asi. Amah hi China nih athlitein an hman mi mingiatu -Spy asi lai tiah an purhdah ngai ngai nain asi hrim lo tiah China le adangdang news nih an țial tawn. An lunghrinhnak aruang cu alengchuak lo ding thil Laboratory c

March 03, 2020 June 26, 2020            - Zapi Khual Phanh Ni  June  27, 2020           - Civui Pi Nikhatnak June 28, 2020            - Civui Pi Nihnihnak June 29, 2020            - CCFC Mino Caanhmannak June 30, 2020            -CCFC Mino Caanhmannak July 01, 2020             - Khual Kir Ni 1. 2 020 CCFC civui caah MCCF nih tlangtar  (Motto) an i thim mi cu Revelation: 3:8 chung kha asi. " I Have Opened A Door For You Which No One Can Shut "   "Ahohmanh nih khar piak khawh lomi innka kan hun piak hna" 2.  CCFC Civui ah kan fa le Bible rel zuamnak  tuah tik i an rel ding mi cu David Van Bik leh mi lawng rel dih asi lai. Midang lehmi rel asi lai lo. Aruang cu adang Laica in leh mi pawl kha kan pom lo ti siloin kan fa le nih an rel mi biafang kha aa khat dih mi rel ter hna kan duh caah asi. 1. GROUP (A) Kum 6 tang rel ding       -Kolossa            1: 27-29 2.  GROUP (B) Kum 7 - 9 kar rel ding  - 1Thessalonia     4: 1-12 3.  GROUP (C