2019 - CCFC Leadership Training & Youth Camp Information

Ramchung/ ramleng um mi Chin Khrifa unau hna

Hmaithla (May 17-19, 2019) hi Canada ram Regina khua,  Saskatchewan Province ah khua asami kan unau Chin Christian Fellowship Of Saskatchewan (CCFS) khrifa buu hna nih kum 10 leng kan tuah cang mi CCFC Leadeship Training an kan don piak lai. Kan theih bantuk in an nih hi Khrifa buu fa deuh an si caah zaanghlei cawi in CCFC Leadership Training akan don piak ding an si. Cun an kan thanh cia bang, civui don tluk in kan i ruah an ti bantuk in khua kip in Khrifa buu cio in palai upa lawng siloin
ara kho mi paoh nih telpi khawh i zuam hna usih. Atanglei hi umkal ning asi lai. 

May 16 kha nilini(Thursday) asi caah rian off kho loin arak phaan kho lomi nan um sual ah ningani (Friday) aphaan mi nan tam deuh kho men, nan umkalnak kong ah atanglei upa hna phone number ah chawn cia te hna uh. Cun May 19 kha zarhpini asi i Combined Service asi lai caah khual dihlak nih CCFS kha pumh pi an si lai nain rian ruang ah Sunday kir lo awk ttha lomi nan um ahcun CCFS upa sin ah theihter cia hmasa te hna uh.

May  16, 2019 (Thursday)     -        Khual Phanh Ni

May  17, 2019 (Friday )         -        Leadership Training Nikhatnak

May  18, 2019 (Saturday)      -        Leadership Training Nihnihnak

May  19, 2019 (Sunday)        -        Combined Service & Khua Kir Ni
May  20, 2019 (Monday)       -         Khual Kir Ni


 1.     Pu Dawt Lian Sang
        Church Chairman
Tel:  1(306) 502-2884

2. Pu TT Lian Thawng
          Church Secretary
Tel:   1(306) 520-8608

3. Rev. Za Biak Cung

          Pastor

Tel:    306-757 3423

________________________________________

2. Youth Camp - 2019

CCFC  nih avoikhatnak Canada ram um Chin miphun kan fa le mino pawl caah Youth Camp tuah kan i timh mi cu tlamtling tein kan tuah khawh nak hnga, khuakip in kan fa le rat khawhnak caah Khrifabuu le nulepa hrim nih zaanghlei cawi ko hna usih. August 24, 2019 in Camp luh asi lai i August 30, 2019 tiang asi lai. Ahmun kan hlan mi zong arem tak tak. Khua leng ramlak ah asi i meng 2 kulh chung akaumi hmun ah Cottage ttha taktak mi pawl le khual riahnak inn, pumhnak inn, bawlung chuihnak certual, volley benghnak hmun, lawng citnak, lilithal kahnak hmun, lungpang kainak ti bantuk aum dih pin ah training tuahnak le aphunphun hmunhma rem taktak pawl an um. Aman zong afaak tuk lo nain kan fa le caah tiah Khrifa buu nih biatak tein thazaang an chuah pin ah CCFC upa hna nih fak pi in thazaang an chuah ve.

August 24, 2019      - Camp Luh Ni
August 30, 2019      - Adonghnak Ni
Ahmun:                     Silver Lake, Wesleyan Camp 
                                 Maberly, Ontario Province(Canada)

  Click the following LINK to view Silver lake Camp video


https://vimeo.com/279937263